DOKU.TECH

26.11.20

DOKU.TECH, Shpalosë Folësat Internacional dhe Lokal!

DOKU.TECH për çdo vit organizon festivalin e vetëm të teknologjisë në Kosovë në partneritet me fondacionin SHARE dhe DOKU.FEST,  DOKU TECH sapo ka lansuar ngjarjen që shpalos të gjitha detajet rreth edicionit të 7-të, të quajtur “Make It, Break It, Build It, Share It” e cila do të transmetohet në Klan Kosova.

 

Në këtë edicion të  DOKU.TECH do të shtjellohen tema se si njerëzit mund të zvogëlojnë ndikimin e tyre në botë duke ripërdorur, riparuar, rindërtuar, renovuar, rishitur, ricikluar, dhe në të njëjtën kohë duke zgjidhur problemet dhe duke plotësuar nevojat e njerëzve në të gjithë botën. DOKU TECH si gjithmonë sjellë  folës ekskluziv vendor dhe ndërkombëtarë për entuziastët e teknologjisë dhe jo vetëm.

 

Në vazhdim ju prezentojmë me 3 folësit e emisionit të tretë të këtij edicioni:

 

PETER VAN VALKENBURGH

Peter Van Valkenburgh është  Cryptolawyer dhe drejtor në Coin Center dhe anëtar i bordit në Fondacionin Zcash. Ai jeton në Washington D.C. Van Valkenburgh është diplomuar në shkollën e mesme Marshall, më pas ai u pranua në Akademinë Amerikane të Arteve Dramatike ku ka një AA (Arts Associate)  në artet dramatike. Ai më pas ndoqi studimet e ekonomisë në Universitetin George Mason specializimin e kreu në të Drejtën e Pronës Intelektuale nga shkolla e drejtësisë e NYU në vitin 2014. Ai punoi si Google Policy Fellow për TechFreedom dhe hartoi dhe redaktoi politikat dhe raportet gjyqësore. Më pas ai u bë drejtor i kërkimeve në Coin Center, dhe ishte përgjegjës për sigurimin e raporteve të politikave dhe formulimeve për politikëbërësit. Gjatë punës së tij, Valkenburgh ka dëshmuar para Kongresit, ka informuar ligjvënësit në SH.B.A dhe Bashkimin Evropian, dhe ka zhvilluar një rrjet mendimtarësh, akademikësh dhe ekspertësh në fushën e kriptovalutave.

 

BLERTA THAÇI

Drejtoreshë Ekzekutive e Open Data Kosova. Open Data Kosova harton, zhvillon dhe krijon zgjidhje dixhitale për një portofolio të gjerë partnerësh, përfshirë institucionet publike të Kosovës. Kjo ekspertizë në mbledhjen dhe analizën e të dhënave u siguron partnerëve mjete dhe njohuri për të mbështetur vendimmarrjen dhe hartimin e politikave bazuar në të dhëna. Me një ekip të ri dhe të pasionuar për të sjellë ndryshime, ODK gjithashtu përfshin mijëra të rinj në Kosovë në ndërtimin e kapaciteteve të tyre në industrinë e teknologjisë. Blerta studioi Inxhinieri Elektrike dhe Kompjuterike në Universitetin e Prishtinës. Themeluese e Girls Coding Kosova. Ka punuar si softuer developer në Zombie Soup. Ajo është shpërblyer me çmimet si FIDES për filantropi, Gratë në ICT nga ICT Awards, u rendit gjithashtu në 2018 në Forbes 30 personat nën 30 vjeç për punën që bën në ODK si një ndër iniciativat më të suksesshme për të kontribuar në përmirësimin e ligjit dhe krijimin e politikave në Evropë.

 

ERMAL SADIKU

Ermali ishte një nga anëtarët që vuri bazat për themelimin e LinkPlus IT në vitin 2013 dhe aktualisht është i përfshirë në menaxhimin e LinkPlus si CEO i tij, ai është gjithashtu ndërmarrës dhe inxhinier. Ai themeloi kompani si ZagApps, Datalab Kosova dhe EVAcc,i ka diplomë Master në Universitetin e Shkencave të Zbatuara në Offenburg, Gjermani. Ermali është i apasionuar pas teknologjisë ,duke ndihmuar gjeneratat e reja të inxhinierëve të rinj për të arritur sukses në fushën e teknologjisë me një fokus kryesor në softuer. Ai është ligjerues në Kolegjin Universum. Me më shumë se 10 vjet përvojë profesionale, në kompani si Assecco, TIG dhe Datalab, ai sjell shumë njohuri në fushat e IT, analizës së biznesit dhe menaxhimit të projektit. Ai ka zhvilluar projekte për kompanitë ajrore në SHBA, kompanitë e telekomit në Kanada dhe kompanitë e automobilave në Gjermani.